Ala Marzelegi?

Marcelegui idatziz sarri dokumentatzen da. Katastroan badira 60 inguru partzela oharretan "en el monte Marcelegui" edo "en el paraje Marcelegui" edo antzeko zerbait azaltzen dutenak. Gomezkorta ingurutik ia Azkoitiko mugara bitartekoa dela ematen du eta honako tokiak hartzen ditu, besteak beste: Gomezcorta-burua, Sagas-iturri, Garalecueta, Zaniola-buru, Otain, Claveliña-aitz, Charazabal... Mapan zela sartu halako paraje zabalak?

Marcelegui izenez, berriz, partzela gutxi batzuk agertzen dira idatziz (ahoz inoiz ez), eta ahoz beste izen batzuekin jaso dira: Kondebasua, Martzelino saila...

Katastrotik hartua. Bertan ageri dira 3 partzela, guztira 5 hektarea inguru.

Zalantza izan dugu: Angueta edo Anguagibel? Ahozko bilketan ez zen 1991n honen lekukotasunik jaso. Katastroan zenbait partzela daude ahoz Angueta izenez jaso direnak; idatziz, berriz, horiek katastroan "Angüeta o Anguaguibel" izenez jasotzen dira. Webguneko lekukotasun idatzi zaharretan ez dago Angueta-rik. Ahoz, berriz, ez da jaso Anguagibelik. Hala ere, katastroko lekukotasun batean ohar hau dator, informante bati jasoa: "Hainbat baserrik, inguru honi Anguagibel deitzen diote."

Artaita dokumentatzen da baina Artegietarik ez. Izan liteke? Nahiko hedatuta dagoen toponimoa da eta Eibarren bertan bada baserri bat izen horrekin. Ahoz Artaittako zabala/Arteittako zelaixa jaso da. Katastroan inguruan Arteta (ahoz, zein idatziz) izeneko partzelak ere ageri dira. Artedieta/Artadieta ez da izango, ala??

XABIER ARREGI: "Kurutzekogaina, Arteta, eta Arteittako zelaixa(ae)-Untzueta Azpikoan jasoa, ingurutsuan daude. Kurutzekogaina Untzueta Gainekoaren gaikaldean dago. Bertako jabe Gregoriok kontatua da badela euren etxeaurreko sorobarrenean harrizko gurutze bat (horrelaxe dago ikusgai); gurutze hori, antza denez, eta bere aitonak kontatua da, bertan, ibarraren beste aldeko menditik botatako bala batek jota hil zen gizasemearen oroimenean jarria dela. Gregorio, Untzueta Gainekoak, gurutze horrek parean duen tontorrak, Kurutzekogaina izena tontor horren egian den gurutze horri zor diola uste du. Arteta izeneko lur sailak, berriz, Kurutzekogainaren iparraldera azaldu zaizkigu, Lezarri Aurtengoaren sailetan; eta Gregorio beraren lur sailetan ere Arteitaco Zabala (ie) izendapenarekin. Arteita eta Arteittako zabala edo Arteittako zelaixa inguru berdinean daude; eta kokagune Kurutzekogainaren iparraladera-iparmendebaldera izango litzateke;. Arteittako zelaixa (Untzueta Azpikoan jasoa) berriz aurreko Arteta dagoen toki berean ageri zaigu. Idatzizko erreferentziak lortu ditugu, ez horrela ahozko grabazioak."

Ala R bakarrarekin? Amararitzeta?