"-a + azpikoa" osaera dutenen kasuan A bakarrez arautzea erabaki dugu.

Amaierako A artikulua da. Beraz, lekuzko kasuetan, NON kasuan izan ezik, galdu egiten du A hori. Bestalde, hitzak lehendik -KO baduenez, NONGO kasuan ez da KO errepikatzen. Hala, beraz, honako hau da erabilera egokia: Agurlaetazpikoan bizi naiz, Agurlaetazpiko lagunak ditut, Gure ama Agurlaetazpikoa da, Agurlaetazpikotik etorri naiz, Agurlaetazpikora noa... Ostera, okerrak dira honelakoak: *Agurlaetazpikoako lagunak ditut, Gure aita *Agurlaetazpikokua da, *Agurlaetazpikoatik etorri naiz, *Agurlaetazpikoara noa