Helburua: Internet erabiltzaileak nabigatzailea (Firefox, Internet Explorer...)  euskaraz izatearen garrantziaz jabetzea eta euskaraz jartzera bultzatzea.

Hartzaileak: herritarrak, oro har, eta ordenagailu kontzentrazio handia duten guneak (ikastetxe, lantegi...) bereziki.

Kanpainaren nondik norakoak: guztiz zehazteke, hona hemen zenbait ideia. 

Ideiak (bota zuk ere zurea iruzkinen bitartez):

• Gure mezuetan nabigatzailea euskaratzearen aldeko ikurtxo bat txertatzea, eta bertan egotea lotura bat horretarako instrukzioak emango dizkigun gune batera. Hemen txertatu liteke nabigatzailea nola dagoen azaltzen duen helbidea ere.
  Mezu bidalketa zabal batekin has gintezke eta gero gure mezu arruntetan ere manten dezakegu bolada batean. 

• Gure webguneetara sartzean webguneak berak esatea bezeroari nabigatzailea nola duen eta euskaraz badu zorionak ematea eta, bestela, nabigatzailea euskaraz nola jar dezakeen azaltzea. Ikus adibidea.
   

   
  • Erraza izango ete litzake gure webguneetan (Udalarenean, ikastetxeenean...) zerbait jartzea bertara sartzen diren bezeroen nabigatzaileen estatistikak ateratzeko?  Atxukale-n eta  Sustatun badute, adibidez.