1993an "Torreko plaza" arautu zen eta 2011n aldatu egin da, Euskaltzaindiaren irizpenari jarriki: "Amaierako -a artikulua da. Izen arruntak bezala deklinatu behar da: Bolua, Boluak, Boluan, Boluko, Bolutik...). Deklinatzean zenbait kasutan -a desagertzeak -a hori galtze-bidean jarri du baina oraindik ere bizirik dago eta mantentzea proposatzen da. Bestalde, izena generikoarekin (kalea, plaza...) batera agertzen denean, osorik idatzi behar da, artikulu eta guzti. "

Amaierako A artikulua da. Beraz, lekuzko kasuetan, NON kasuan izan ezik, galdu egiten du A hori. Bestalde, hitzak lehendik -KO baduenez, NONGO kasuan ez da KO errepikatzen. Hala, beraz, honako hau da erabilera egokia: Torrekoan bizi naiz, Torreko lagunak ditut, Gure ama Torrekoa da, Torrekotik etorri naiz, Torrekora noa... Ostera, okerrak dira honelakoak: *Torrekoako lagunak ditut, Gure aita *Torrekokua da, *Torrekoatik etorri naiz, *Torrekoara noa