GFAko B5Mtik hartua. Guk ez genuen jasota. GFAn Antzuola dator. Zenbait hirigintza proiektutan eta, ondorioz, baita hedabideetan ere, erabili izan da Uhola erreka ("Bergarako Udalarekin egindako lankidetza-hitzarmena, Bergaran (Gipuzkoa) Deskarga edo Uhola ibaiaren uholdeen kontrako defentsa obrak kontratatu eta burutzeko; EHAA 1998-02-12") ere baina ez GFAn eta ez Antzuolako toponimian ez da jaso izen hori. Bergarako artxiboko webgunean ere ez dator. 

Antzuolako toponimian, izen nagusitzat Deskarga eman zaio erreka honi baina sinonimotzat agertzen da Antzuolako erreka:

Deskarga
Ahoskera: Deskárga errekía, Ántzuolako errekía
Generikoa: erreka
Kartografia:
Oharrak: Mendietatik isurtzen diren errekatxo guztien urak batzen dituen erreka nagusi honek herria goitik behera zeharkatzen du. Deskarga eta Lakiriola ingurutik hasi eta herria zeharkatuz, Bolunburu aldean Bergararekin bat egiten du.

Amaierako A berezkoa du hitzak eta, beraz, deklinabideko kasu guztietan mantenduko du: Deskarga, Deskargak, Deskargari, Deskargan, Deskargako, Deskargatik, Deskargara

Antzuolako lurretan Deskarga inguruan sortu eta Bergaran San Antonion egiten du bat Debarekin.