MTNEn honi Erreziltagi deitzen zaio. GFAn toki honetaz honakoa dio: Erreziltegi gailurra, Itxumendi mendia.

Katastroan lekukotasun mordo bat datoz bai ahoz eta bai idatziz LOIDIrenak. "paraje de Loidi, Termino de Loidi..." agertzen da sarritan. Loiditxiki, berriz, Behitegiaren ondoko partzela batekin lotuta dator, 15/427arekin: idatziz LOIDI-MENOR eta ahoz ez da jaso.

Hasieran Loidi eta Loiditxikiren kokapenak trukatuta zeuden eta aldatu egin ditut.

Katastroan, berriz, bi partzela daude idatziz Errosinategui izenez jaso direnak baina ahoz jaso ez direnak eta Itxumendiko errepikagailuaren ondoan daude. Bekadunek ere hortik gertu samar (Elosuko mendatean bertan) kokatu zuten Erroziñategiko gaiña baina ahozko lekukotasunik ez zuten jaso. Errosinategui eta aldaerak dezentetan agertzen dira datu-basean lotu barik. Bergarako Euskera liburuan Errozinategi gailurra agertzen da, itxura baten, orain Loiditxiki jarrita dagoen tokian.